Bu günlərdə Almaniyanın Frankfurt şəhərində keçirilən beynəlxalq kitab sərgisində azərbaycanlı yazıçı Günel Mövlud da iştirak edib. O, bu tədbirə yaşadığı Norveçdən olan nümayəndə heyətinin tərkibində qatılıb. Qeyd edək ki, Norveç bu il Frankfurt kitab sərgisinin qonaq ölkəsidir. Günel Mövlud bu tədbirdə norveç və ingilis dillərində işıq üzü görən poeziya antologiyasındakı şeirlərini oxuyub. Eyni zamanda, bütün avropa dillərinə tərcümə edilmiş, son illərin bestseller kitablarından biri olan “Sovetistan” kitabının müəllifi, norveç yazıçısı Erika Fatlandla “Sərhədlər, divarlar və körpülər” mövzusunda müsahibə verib. Auditoriya üçün açıq olan bu müsahibədə azərbaycanlı yazıçı öz vətənindəki patriarxal cəmiyyətin gücündən, qadın haqlarından, ölkədə yeni vüsət alan feminist hərəkatdan danışıb.
Günel Mövludla müsahibə (Frankfur Kitab Sərgisi)
Dünya azərbaycanlılarının intellektual platformasıdır. Qayəmiz, harada yaşamasından asılı olmayaraq, azərbaycanlılar arasında dünyəvi ideyaları, yüksək zövqü, tənqidi düşüncəni yaymaq və dəstəkləməkdir.